Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

1DUSUN

IMANON

'Visi' toi imanon do 1Dusun nopo nga 'Kaanu noh daa do popisompuru do tulun Dusun maya do pitimungan monunurat, mambasa om monongkiboros.'



 
HONTOLON

'Misi' toi hontolon do 1Dusun nopo nga papalabus do nunu nopo sinuratan maya do intonit, buuk, VCD, DVD, majalah toi karatas kabar.





 KOTINANAN

Ingaa poh 'jentera' toi kotinanan do 1Dusun tu magandad poh do haro ii tumopot do monokodung mantad do nonggo-nonggo tinaru Dusun. Soira do ogonop tinimungan diti miampai do kiharo Momuruan, Timbang Momuruan, Monunurat Pointatap (Setiausaha), Gugumompi Tusin (Bendahari) om Tutumanud Kukumaraja (Ahli Jawatankuasa), osorouku do porijisto (mendaftarkan) id ROS sobaagi do Kotinanan Monokodung do Kousinan montok tulun Dusun. Nung kaakun ngawi iri tutumanud nga mongukab tokou daa do iso 'koperasi' montok do papadagang kakamot sinintunturu (kraftangan) tongoulun Dusun om oinsanan it pinalabus do tulun Dusun.


PANGALAPAN

Nung orohian koh do monokodung toi monimpuun sumilih do soboogian kotinanan '1Dusun', rumomut noh doho id numbur tolipaun 016-8023456 (Francis). Milo nogi do papaatod pasoniba (SMS) id numbur dilo.

Kotoluadan.

2 comments:

  1. Hai Francis!
    Obuli nangku sumiliu oku dot admin toi koh poposuang boros hiti'd blog ti?

    ReplyDelete
  2. Kopisanangan Puwork Utara. Siou tu alaid do nosimbar iti pongimuhatan nu. Siou togii-gina nogi tu awu milo do simbaron momoguno do 'Reply'.

    Nung sumiliu koh do admin, nga papaatod pason toniba maya do sms miagal id siriba diti;

    1Dusun.{e-mail gmail nu} pootodon noh doid numbur 016-8023456.

    Pomitanan: 1Dusun.qwerty2u@gmail.com

    Kotoluadan.

    ReplyDelete